«ԱԳԲԱ Լիզինգ» ՓԲԸ-ն և «Ցեպելին Արմենիա» ՍՊԸ-ն վենդորային պայմանագիր են կնքել, որով նախատեսվում է 2011-2012թթ. լիզինգով տրամադրել շուրջ 7,5 մլն ԱՄՆ դոլար արժողությամբ սարքավորումներ:

Ինչպես ասվում է մամլո ծառայության հաղորդագրության մեջ, մայիսի 30-ին Հայաստանում առաջին Ֆինանսավորման համագործակցության պայմանագիրը (Vendor Finance Co-operation Agreement) կնքվեց «ԱԳԲԱ Լիզինգ» ՓԲԸ-ի, «Ցեպելին Արմենիա» ՍՊԸ-ի ինչպես նաև «Ցեպելին Ինտերնեիշնլ»-ի միջև:

Այն հաճախորդները, որոնք CAT ապրանքանիշի սարքավորումներ ձեռք բերելու համար «ԱԳԲԱ Լիզինգ» կդիմեն հունիսի 1-ից 30-ը, կսպասարկվեն 9.9 % տարեկան տոկոսադրույքով:

«ԱԳԲԱ Լիզինգից» կարելի է լիզինգով CAT տեխնիկա ստանալ հետևյալ պայմաններով` 20% կանխավճար, մարման ժամկետը` 3-60 ամիս, տոկոսադրույքը` տարեկան 12-16%; գրավի անհրաժեշտությունը բացակայում է: Հաճախորդները կարող են սպասարկվել և մարել պարտքը ԱԳԲԱ-ԿՐԵԴԻՏ ԱՐԻԿՈԼ ԲԱՆԿԻ բոլոր մասնաճյուղերում: