Հայոց ցեղասպանության թանգարան-ինստիտուտը (ՀՑԹԻ) ամեն օր ձեռք է բերում Հայոց ցեղասպանության վերաբերող իրեղեն և գրավոր նյութեր: Ինչպես լրագրողներին հայտնեց ինստիտուտի տնօրեն Հայկ Դեմոյանը, ինքը յուրաքանչյուր օր ինտերնետով հետևում է, թե որտեղ են վաճառվում Ցեղասպանությանը վերաբերող նյութեր և գնում է դրանք: Ըստ Հ. Դեմոյանի, Սփյուռքում ապրող շատ հայեր երբեմն չեն հասկանում այդ իրերի իրական արժեքը և պատահել է, որ դրանք հայտնաբերվել են ավտոտնակներում պահված տուփերից: Դեմոյանի հավաստմամբ, թանգարան են հանձնվել նույնիսկ աղբամանների միջից գտնված նյութեր: Նրա խոսքով համաշխարհային ճգնաժամը նույնպես նպաստում է այդ փաստերի վաճառքին, որովհետև սփյուռքահայերը ֆինանասական խնդիր ունենալու պատճառով վաճառքի են հանում Ցեղասպանության մասին պատմող փաստերը:
Ինստիտուտը յուրաքանչյուր օր ձեռք է բերում 3-5 իր:
