Հայաստանում մոտ 100 000 մարդ կյանքում գոնե մեկ անգամ թմրանյութ է փորձել: Այդ մասին Երևանում կայացած մամլո ասուլիսում հայտարարել է «Հարավային Կովկասի սահմանների համալիր կառավարում» ծրագրի ղեկավար Գրիգոր Մալենցյանը: Ըստ նրա, 2009թ. հաշվառման է վերցվել 1717 թմրամոլ, իսկ 2010 թվականին նրանց քանակն աճել է՝ հասնելով 2715: Մալենցյանը հավելել է նաև, որ ըստ ոչ պաշտոնական տվյալների, միայն 2009թ. գրանցվել է 4000-5000 ներերակային թմրամոլ:

«Երիտասարդների շրջանում ևս գրանցվել է թմրամոլության աճ: Մասնավորապես, թմրամոլությամբ տառապում են 30-35 տարեկան մարդիկ»,-ասել է Մալենցյանը: Նա նշել է նաև, որ թմրամիջոցները Հայաստան են ներկրվում Իրանից: