Հայ ազգային կոնգրեսն իշխանությունների հետ բանակցություններ կսկսի այն ժամանակ, երբ ՀՀ նախագահ Սերժ Սարգսյանը հրապարակի իշխանության պատվիրակների անունները: Այդ մասին, ելույթ ունենալով Երևանում` Ազատության հրապարակում, ՀԱԿ-ի հանրահավաքի ժամանակ, հայտնել է «Հանրապետություն» կուսակցության ղեկավար Արամ Սարգսյանը: Նրա խոսքով, իշխանությունները կորցրել են իրականության զգացումը, և ՀԱԿ-ը երկխոսության է գնում, որովհետև երկրի առջև ծառացած է ղարաբաղյան հիմնախնդիրը:
«Բազմամարդ հանրահավաքները ղեկավարությանը կստիպեն ՀԱԿ-ի հետ բանակցությունների սեղանի շուրջ նստել և զիջումների գնալ»,- ասել է Սարգսյանը:
Հայաստանի Ժողովրդական կուսակցության ղեկավար Ստեփան Դեմիրճյանն իր հերթին ասել է, որ ՀԱԿ-ն ունի հստակ պահանջ` անցկացնելու արտահերթ ընտրություններ: «Դա Հայաստանը փակուղուց և ճահճից դուրս բերելու միակ միջոցն է»,- ասել է Դեմիրճյանը:
