Հայաստանի առողջապահության նախարարությունը հերքել է հարեւան Վրաստանի եւ Ադրբեջանի տարածքից ատիպիկ թոքաբորբի վիրուսի Հայաստան ներթափանցման վերաբերյալ լուրերը: Ինչպես «Արմինֆո» գործակալությանը տեղեկացրել է ՀՀ առողջապահության նախարարի մամուլի քարտուղար Ռուսլանա Գեւորգյանը, հանրապետությունում ատիպիկ թոքաբորբով հիվանդանալու դեպքեր չեն հայտնաբերվել: Ավելի վաղ ստացված տեղեկության համաձայն, վիրուսի ներթափանցումը կանխարգելելու համար «Հայաստան» միջազգային օդանավակայանում իրականացվում է ժամանող ուղեւորների պրոֆիլակտիվ ստուգում, մասնավորապես, հարավ-արեւելյան երկրներից: Միեւնույն ժամանակ, ինչպես տեղեկացնում են արտասահմանյան ԶԼՄ-ները, հարեւան Ադրբեջանում արդեն գրանցվել է ատիպիկ թոքաբորբով հիվանդանալու 5 դեպք, ինչը համառորեն հերքվում է երկրի իշխանությունների կողմից: