Հայ-սիրիական հարաբերություններին արմատական փոփոխություններ չեն սպառնում: Նման կարծիք է հայտնել քաղաքագետ, Սիրիայում Հայաստանի նախկին դեսպան Դավիթ Հովհաննիսյանը PanARMENIAN.Net-ի թղթակցի հետ զրույցում:

«Հայաստանն ավանդաբար ամուր հարաբերություններ ունի Սիրիայի հետ, չեմ կարծում, որ ներքին հակասությունները կարող են արմատապես փոխել հայ-սիրիական հարաբերությունների ստատուս քվոն»,- ասել է Հովհաննիսյանը:

Սիրիայի հայ համայնքը գլխավորապես համալրվել է 1915-ի Հայոց ցեղասպանությունից փրկված հայերի հաշվին, այնուհետև` Կիլիկիայի փախստականների: Այսօր Սիրիայում բնակվում են 65-70 հազար հայեր:

Սիրիահայերը բարձր հեղինակություն են վայելում երկրում: