Google և Samsung ընկերությունները վերջապես կատարեցին Galaxy Nexus սմարթֆոնի շնորհանդեսը, որն աշխատում է Android օպերացիոն համակարգի նոր տարբերակով։ Այս մասին հաղորդում է PC World-ը։

«Թե՛ սմարթֆոնը, թե՛ օպերացիոն համակարգը նախագծվել են երկու ընկերությունների նախագծողների կողմից, որոնք այդ ընթացքում աշխատել են միևնույն վայրում միասին»,-ասել է Google –ի բջջային արտադրանքի ավագ փոխնախագահ Անդի Ռուբինը Galaxy Nexus-ի շնորհանդեսի ժամանակ։

Սմարթֆոնը պարունակում է Google-ի բջջային ծրագրերի ողջ փաթեթը, անգամ որոշ

Google ծրագրեր թարմացվել են նոր Android Ice Cream Sandwich տարբերակի համար։

Հեռախոսի բրաուզերը թույլ է տալիս հիշել էջերը՝ ավելի ուշ օֆլայն ընթերցանության համար։

Galaxy Nexus-ի տեխնիկական պարամետրերն են՝ 4.65 դյույմ HD Super AMOLED էկրան, 1.2GHz երկակի պրոցեսոր, 1Գբ ներքին հիշողություն՝ մինչև 16 կամ 32 Գբ ավելացնելու հնարավորությամբ, մարտկոցը 1750 mAh, քաշը՝ 135 գրամ, ետևի ֆոտոխցիկը՝ 5 մեգապիքսել, դիմացինը՝ 1,3 մեգապիքսել տեսազանգերի համար։

Galaxy Nexus-ն հագեցած է նաև դեմքի ճանաչման տեխնոլոգիայով, ինչի միջոցով կարելի է հեռախոսը հանել արգելափակումից, այս ֆունկցիան կոչվում է Face Unlock։

Galaxy Nexus-ը դասվում է Google-ի Nexus հեռախոսների և Samsung-ի Galaxy հեռախոսների շարքին։

Սմարթֆոնը վաճառքի կհանվի նոյեմբերին ԱՄՆ-ում, Եվրոպայում և Ասիայում։