Հայաստանի հավաքականը թուրքական Իզմիթ քաղաքում ընթացող շախմատի համաշխարհային օլիմպիադայի 10-րդ տուրում 3,5։0,5 միավորով հաղթանակ է տարել Ղրղզստանի նկատմամբ։

Հովհաննես Գաբուզյանը ոչ ոքի է խաղացել Տագիր Տալայբեկի հետ։ Հայաստանի հավաքականի կազմում մինչ այդ հաղթանակներ էին տարել Կարեն Գրիգորյանը, Տիգրան Հարությունյանը և Արման Միքայելյանը։

Հայաստանի հավաքականը հավաքել է 28,5 միավոր և ավարտել է ելույթը 2-րդ տեղում՝ նվաճելով արծաթե մեդալներ։ Օլիմպիադայի հաղթող է դարձել Ռուսաստանի հավաքականը (29 միավոր)։ Վերջին տուրում ռուսները 2,5։1,5 հաշվով հաղթել են Չեխիային։

Հայաստանի հավաքականը 2010-ին օլիմպիադայում նվաճել էր ոսկե մեդալներ։