04.08.2000. ՄԵԴԻԱՄԱՔՍ, ԵՐԵՎԱՆ. Ադրբեջանի նախագահ Հեյդար Ալիեւը իր բողոքն է հայտնել` իր պետությունը ԱՄՆ Պետդեպարտամենտի` միջազգային ահաբեկչության մասին զեկույցում հիշատակելու կապակցությամբ:
Ադրբեջանում ԱՄՆ-ի դեսպան Սթենլի Էսկուդերոյի հետ հանդիպմանը Հեյդար Ալիեւը հայտարարել է, որ «չէր կարող պատկերացնել ԱՄՆ-ի այս աստիճան անարդար վերաբերմունքը Ադրբեջանի նպատմամբ»: Նա ընդգծել է, որ Ադրբեջանը ահաբեկչությունից տուժած պետություն է: Հեյդար Ալիեւի կարծիքով, Ադրբեջանը կամ ընդհանրապես չպետք է հիշատակվեր զեկույցում, կամ «այդ հիշատակումը պետք է լիներ միայն որպես ահաբեկչության դեմ պայքարող եւ այս ասպարեզում ԱՄՆ-ի հետ համագործակցող պետություն», - հայտարարել է Հեյդար Ալիեւը: Նրա խոսքերով, ԱՄՆ-ի Պետդեպարտամենտի զեկույցը արտացոլում է ԱՄՆ-ի որոշակի շրջանակների անարդար դիրքորոշումը Ադրբեջանի նկատմամբ: --0--