Մի քանի շաբաթ տևած իրարանցումից հետո, որը բարձրացել էր Վաշինգտոնում Սաուդյան Արաբիայի դեսպան Ադիլ ալ Ջուբեյրայի դեմ իբր տեղի ունեցած դավադրության շուրջ, ԱՄՆ իշխանությունները հրաժարվեցին Իրանի ԿԲ-ի դեմ պատժամիջոցներ կիրառելու մտադրությունից, հայտնում է FarsNews-ը:
Իրանական կողմը գնահատում է այդ փաստը որպես նավթի շուկայում բալանսը խախատելու Օբամայի վարչակազմի մտավախություն, քանի որ դա առաջին հերթին կանդրադառնա ԱՄՆ տնտեսության վրա, որն այնքան էլ լավ վիճակում չի գտնվում:
Մյուս կողմից, ԿԲ դեմ պատժամիջոցների կիրառումը քիչ արդյունավետ կլինի, քանի որ մյուս երկրները չեն սատարում ԱՄՆ այդ նախաձեռնությանը:
Այդ մասին են վկայում նաև ամերիկացի փորձագետների կարծիքները, որոնք հայատարում են, թե «Իրանի ԿԲ դեմ պատժամիջոցների կիրառումը չափազանց համարձակ ու իռացիոնալ քայլ կլինի», որը կարող է բացասաբար անդրադառնալ ԱՄՆ ու մի շարք այլ պետությունների հարաբերությունների վրա:
