Կոալիցիոն և ընդդիմադիր պատգամավորները հավասարապես չեն հավատում Հայաստանում վաղաժամ նախագահական ընտրությունների հավանականությունը: «Սա իրակնությունից կտրված հարց է: Դրա համար պետք են հիմքեր, հատուկ գործընթացներ, որոնց մասին կարելի է խոսել», հայտարարեց խորհրդարանում լրագրողներին ընդդիմադիր «Ժառանգություն» կուսակցությունից պատգամավոր Արմեն Մարտիրոսյանը: Նրա խոսքով, նախագահ Սերժ Սարգսյանը հիմա ամբողջովին վերահսկում է իրավիճակը, ինչի մասին վկայում է, մասնավորապես, Ազգային ժողովի խոսնակ Հովիկ Աբրահամյանի հրաժարականը:
Իր հերթին Հայաստանի խորհրդարանի փոխխոսնակ, «Բարգավաճ Հայաստան» կուսակցությունից պատգամավոր Սամվել Բալասանյանը ևս հերքեց այդ հնարավորությունը: «Կարծում եմ դա անհեթեթություն է, անտրամաբանական է», պատասխանեց նա լրագրողի հարցին:
Մյուս կոալիցիոն կուսակցության՝ ՕԵԿ-ի անդամ Խաչիկ Հարությունյանը լրագրողներին հայտարարեց, որ նման սցենարն անիրական է:
Վերջերս, քաղաքական շրջանակներում և ԶԼՄ-երում կարծիք է ձևավորվել, ըստ որի Հայաստանի նախագահ Սերժ Սարգսյանը կարող է կրկնել իր վրացի գործընկեր Միխայիլ Սահակաշվիլիի փորձը և համատեղել հերթական խորհդարանական և արտահերթ նախագահական ընտրությունները:
