Ռուսաստանի ֆուտբոլային միության նախագահ Սերգեյ Ֆուրսենկոն bobsoccer.ru-ին տված հարցազրույցում հայտարարել է, որ հետաքրքիր գաղափար ունի: «Մենք ցանկանում ենք նախկին ԽՍՀՄ երկրների երիտասարդական թիմերի առաջնություն կազմակերպել: Մեծահասակների մակարդակով դա ավելի բարդ է անել, իսկ այս ձևաչափում կարելի է փորձել»:

Ըստ Ֆուրսենկոյի, Ռուսաստանից բարձրագույն դիվիզիոնում կլինի 8 մասնակից, հավելյալ Հայաստանի, Ուկրաինայի, Բելառուսի և այլ երկրների թիմերը: «Անշուշտ, դա ծախսատար միջոցառում է: Սակայն, պետք է նստել և ամեն ինչ հանգիստ հաշվարկել»,-ասել է միության ղեկավարը: