Նոյեմբերի 21-ից 24-ը Երևանում էր գտնվում ՀԱՊԿ գլխավոր քարտուղարի տեղակալ Վալերի Սեմերիկովի գլխավորած պատվիրակությունը, որը մասնակցեց ՀԱՊԿ Օպերատիվ արձագանքման հավաքական ուժերի` 2012թ. աշնանը ծրագրված համատեղ զորավարժությունների նախապատրաստման շրջանակում անցկացվող խորհրդակցություններին:

Վալերի Սեմերիկովին ընդունեց Հայաստանի Ազգային անվտանգության խորհրդի քարտուղար Արթուր Բաղդասարյանը: Կայացան նաև Սեմերիկովի հանդիպումները ՀՀ պաշտպանության նախարարի առաջին տեղակալի և ՀՀ ԶՈՒ գլխավոր շտաբի պետի, ինչպես նաև ՀՀ Ոստիկանության, ՀՀ Ազգային անվտանգության ծառայության և ՀՀ Արտակարգ իրավիճակների նախարարության ղեկավարության հետ: