Նոյեմբերի 25-ի ժամը 15.00-ի դրությամբ բացվել է Բերդ-Ճամբարակ ճանապարհահատվածը: Տրանսպորտի և կապի նախարարությունից հայտնում են, որ Հանրապետության ճանապարհներին իրականացվել և իրականացվում են տեղումներից մաքրման, մերկասառույցի վերացմանն ուղղված աշխատանքներ: Հանրապետության բոլոր ճանապարհները երթևեկելի են:

Ավելի վաղ հաղորդվել էր, որ ժամը 09.00-ի դրությամբ, ձյուն էր տեղում Ալավերդիում, Սիսիանում, Մեղրիում, Բերդում, Վարդենիսում: Սելիմի լեռնանցքում, Մարտունի-Վարդենիս , Աբովյան-Հրազդան հատվածներում, Ապարանում , Արթիկում, ինչպես նաև Ստեփանավանի, Տաշիրի, Կոտայքի, Գավառի, Մարտունու որոշ ճանապարհահատվածներում տեղ- տեղ առկա է մերկասառույց: