Amnesty International իրավապաշտպան կազմակերպությունը կոչ է անում ռուսական իշխանություններին կասեցնել ոստիկանության դաժան վերաբերմունքը ցուցարարների հանդեպ, որոնք բողոքում են Պետդումայի վերջերս կայացած ընտրություններում արձանագրված խախտումների դեմ:
AI հայտարարության մեջ ասվում է, որ կազմակերպությունը բազմաթիվ ազդանշաններ է ստացել, որ ոստիկանները դաժան են վարվում բերման ենթարկված խաղաղ ցուցարարների հետ, բժշկական օգնություն չեն ցուցաբերում և այլն:
Կազմակերպության Եվրոպայի և Կենտրոնական Ասիայի գծով տնօրեն Ջոն Դալհոյենն ընդգծել է, որ «ձերբակալությունների մասշտաբները Ռուսաստանում չեն կարող արդարացվել»« հայտնում է Deutsche Welle-ն:
«Համերաշխություն» ընդդիմադիր շարժումն իր կայքում դեկտեմբերի 8-ին հայտնել է, որ այժմ Ռուսաստանում ընթանում է ընդդիմադիրների ձերբակալությունների ամենազանգվածային ալիքը այն ժամանակներից ի վեր, երբ 11 տարի առաջ Վլադիմիր Պուտինը եկավ իշխանության:
