ԱՄՆ-ը դիվանագիտական ջանքեր է գործադրում դեպի Աֆղանստան բեռնափոխադրումների ավելացման հետ կապված Հարավային Կովկասի երկրների աջակցությունը ստանալու համար, հաղորդում է ԱՊԱ գործակալությունը` հղում կատարելով BBC World-ին:
«Այն բանից հետո, երբ Պակիստանը փակեց իր օդային տարածքը ՆԱՏՕ-ի համար, ԱՄՆ ԶՈՒ-ն պատրաստվում է բեռները փոխադրել օդով, երկաթուղով և ցամաքով` Հյուսիսային տրանսպորտային ցանցի միջոցով, որը տարածվում է Բալթյան միջանցքից Հարավային Կովկասով և Միջին Ասիայով մինչև Աֆղանստան»,- հաղորդում է BBC-ն:
Պակիստանի իշխանությունները նոյեմբերի 26-ին փակեցին ճանապարհը, որով կատարվում էր Աֆղանստանում ՆԱՏՕ-ի կոալիցիոն ուժերի մատակարարումը: