Դեկտեմբերի 19-ին աշխատանքային այցով Ռուսաստանի Դաշնություն ժամանած Հայաստանի նախագահ Սերժ Սարգսյան Մոսկվայում մասնակցել է Եվրասիական տնտեսական ընկերակցության (ԵվրԱզԷՍ) միջպետական խորհրդի նիստին, հաղորդում է ՀՀ նախագահի մամլո գրասենյակը: Հայաստանն այդ կազմակերպությունում 2003 թվականից դիտորդի կարգավիճակ ունի:

Հայաստանի նախագահն այսօր երեկոյան Կրեմլի Մեծ պալատում մասնակցել է նաև Ռուսաստանի Դաշնության նախագահ Դմիտրի Մեդվեդևի անունից տրված հանդիսավոր ընդունելությանը` նվիրված ԱՊՀ 20-ամյակին: