Սթրասբուրգում անցկացվող Եվրոպայի խորհրդի Տեղական եւ տարածաշրջանային իշխանությունների կոնգրեսի նստաշրջանի ընթացքում նոյեմբերի 25-ին որոշում է ընդունվել Հայաստանում տեղական ինքնակառավարման հետագա ժողովրդավարականության միջոցների մասին: Ինչպես տեղեկացրել են ՀՀ ԱԳՆ մամուլի ծառայությունում, տվյալ փաստաթղթի դրույթներից մեկով հանձնարարվել էր քննարկել հարեւան երկրների հետ տեղական իշխանությունների մակարդակով Հայաստանի անդրսահմանային համագործակցության զարգացման հարցերով Երեւանում համաժողով կազմակերպելու հնարավորությունը: Այս կապակցությամբ դեմ հանդես եկավ Ադրբեջանի պատվիրակությունը` առաջարկելով հանել որոշումից այդ կետը: Սակայն քվեարկության արդյուքնում պատվիրակների ճնշող մեծամասնությունը մերժել է Ադրբեջանի նախաձեռնությունը: