2011թ. Հայաստանում ընդունված «Ազատ տնտեսական գոտիների մասին» օրենքի շրջանակում աշխատանք է կատարվել դրանց գործունեության կարգի նախապատրաստման ուղղությամբ: Ինչպես ամփոփիչ մամլո ասուլիսում հայտարարել է Հայաստանի էկոնոմիկայի նախարար Տիգրան Դավթյանը, արդեն պաշտոնական հայտ է ստացվել Sitronics ընկերությունից՝ «Մարս» գործարանի տարածքում 2012թ. ազատ տնտեսական գոտի կազմակերպելու վերաբերյալ:
Բացի այդ, ըստ նախարարի, Հայաստանի տարածքում ազատ տնտեսական գոտու կազմակերպման հարցում շահագրգռված է Հայ ոսկերիչների համաշխարհային ասոցիացիան: «Կարծում եմ, որ 2012թ. Հայաստանում կլինի ազատ տնտեսական գոտիների կազմակերպմանն ուղղված ակտիվ գործողությունների տարի»,-ասել է Դավթյանը:
Նախարարը նշել է, որ ազատ տնտեսական գոտի կգործի նաև «Զվարթնոց» օդանավակայանին կից, որի շուրջ բանակցություններ են ընթանում հավատարմագրային կառավարչի հետ:
