Հայ-վրացական սահմանի անցակետերի արդիականացման համար կպահանջվի 50 մլն եվրո
Հայ-վրացական սահմանի երեք ՝ Բագրատաշենի, Բավրայի ու Գոգովանի անցակետերի և Այրում երկաթուղային կայարանի արդիականացման համար կպահանջվի 50 մլն եվրո: Այդ մասին Երևանում լրագրողներն է հայտնել UNDP «Հարավային Կովկասում պետական սահմանների համալիր կառավարում» ծրագրի ղեկավար Գրիգորի Մալիցյանը: Նա նշել է, որ դա լոկ մոտավոր գնահատականն է: Նա հայտնել է նաև, որ այժմ ՀՀ ԱԱԽ-ն դիմել է իրենց՝ առաջարկելով մշակել արդիականացման նախագիծ, որպեսզի աշխատանքները մեկնարկեն արդեն այս տարի: Ըստ Մալիցյանի, ֆինանսավորումը կարող է ստացվել ինչպես բյուջեից, այնպես էլ միջազգային կազմակերպություններից:
