Արցախի Հանրապետության նախագահ Բակո Սահակյանը հունվարի 19-ին հրավիրել է աշխատանքային խորհրդակցություն` նվիրված 2012 թվականին շրջաններում իրականացվելիք սոցիալ-տնտեսական ծրագրերին:
Հատուկ ուշադրություն է դարձվել գյուղատնտեսության և կապիտալ շինարարության ոլորտներին:
Նախագահը կարևոր է համարել այս երկու ուղղությունները շրջանների` հատկապես գյուղական բնակավայրերի զարգացման գործում և ընդգծել աշխատանքների ճիշտ ու համակարգված իրականացման անհրաժեշտությունը:
Երկրի ղեկավարը կոնկրետ հանձնարարականներ է տվել կառավարությանը և շրջվարչակազմերի ղեկավարներին` աշխատանքների պատշաճ իրականացման ուղղությամբ:
Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք, հաղորդում է Արցախի Հանրապետության նախագահի աշխատակազմի տեղեկատվության գլխավոր վարչությունը:
