Այսօր Հայաստանի կոմունիստները տոնում են Հոկտեմբերյան սոցիալիստական հեղափոխության 86-րդ տարեդարձը: Ինչպես «Արմինֆո» գործակալությանը հաղորդել են Հայաստանի կոմունիստական կուսակցության կենտրոնակայանում, մի խումբ կոմունիստներ մեկնել են Լոռու մարզի Հաղպատ գյուղ, որտեղ, ինչպես համարվում է, 100 տարի առաջ Հայաստանում ստեղծվել էր առաջին կոմունիստական բջիջը: Երեւանում նաեւ ծաղկեպսակներ են դրվել ականավոր հայ կոմունիստների հուշարձաններին: