Պաղեստինի խորհրդարանի խոսնակ Ազիզ Դվեյկը ՀԱՄԱՍ շարժումից ձերբակալվել է Իսրայելի ոստիկանության կողմից Ռամալլահ քաղաքի հսկիչ-անձնագրային անցակետում, գրում է Jerusalem Post-ը:
Դվեյկի ձերբակալության առիթ է հանդիսացել ահաբեկչական կազմակերպություններին մեղսակցության կասկածանքը:
Դվեյկը իսլամիստական ՀԱՄԱՍ շարժման առաջնորդներից է և ազատ է արձակվել իսրայելյան բանտից 2009թ.՝ ազատազրկման մեջ անցկացնելով 3 տարի: Նա դատապարտվել էր 2006թ., երբ գրոհայիններն առևանգել էին իսրայելցի զինվորի: