Բելառուսի ֆուտբոլի ֆեդերացիայի նախագահի առաջին տեղակալ Սերգեյ Սաֆարյանը հայտնել է, որ օգոստոսի 15 Բելառուսի և Հայաստանի հավաքականները ընկերական խաղ կանցկացնեն:
Ավելի վաղ ծրագրվում էր խաղն անցկացնել փետրվարի 29-ին Թուրքիայում: Սակայն Հայաստանի հավաքականը հրաժարվել էր Թուրքիայում խաղալուց` առաջարկելով խաղը տեղափոխել Կիպրոս: Այդ տարբերակն էլ չի բավարարել Բելառուսին, հայտնում է pressball.by-ը:
2010թ մարտի 3-ին Հայաստանի հավաքականը թուրքական Անթալիա քաղաքի «Աթաթյուրք» մարզադաշտում ընկերական խաղ է անցկացրել Բելառուսի հավաքականի հետ և պարտվել 3:1 հաշվով:
ՖԻՖԱ-ի վարկանշում Հայաստանի հավաքականը զբաղեցնում է 45-րդ հորիզոնականը, իսկ Բելառուսինը` 65-րդ:
Փետրվարյան ընկերական խաղում հայ ֆուտբոլիստները կխաղան Կանադայի հետ, իսկ Բելառուսը` Մոլդովայի: