Ամերիկյան Լաս Վեգաս քաղաքում կայացած լուսանկարչական ցուցահանդեսում բարձր գնահատականի են արժանացել հայ լուսանկարիչ Ռաֆայել Համբարձումյանի երեք աշխատանքները: «Վիրահատությունից հետո»` 81 միավոր, դերասան Գուգեն Ջանիբեկյան եւ քանդակագործ Երվանդ Քոչար` 80-ական միավոր ստացած լուսանկարների համար հեղինակին շնորհվել է «Արժանիքների վկայական»: Մինչ այդ Ռ.Համբարձումյանի աշխատանքնեըր հաջողությամբ ցուցադրվել են Նյու Յորքում, Փասադենայում եւ Վաշինգտոնում: Բարձր գնահատական ստացած աշխատանքների թվում են «Հայոց ցեղասպանության հուշարձանը», «Արամ Խաչատրյան» եւ այլ աշխատանքներ: Նշենք, որ մի քանի տարի առաջ 71-ամյա Ռ.Համբարձումյանը տեղափոխվել է Լոս Անջելես Երեւանից: