2011 թվականի դեկտեմբեր ամսվա դրությամբ նվազագույն սպառողական զամբյուղը Հայաստանում ամսական կտրվածքով կազմել է 53 288 դրամ (շուրջ 138 դոլար), իսկ տարվա կտրվածքով` 639 464,7 դրամ (գործակիցը` 1,77):

Հայաստանում 2011թ. չորրորդ եռամսյակում սպառողական զամբյուղի արժեքը նվազել է 1%-ով` համեմատած 2011թ. երրորդ եռամսյակի հետ: Ընդ որում, ինչպես հայտնում է Հայաստանի ազգային վիճակագրական ծառայությունը, պարենային զամբյուղի արժեքը ամսվա կտրվածքով կազմել է 30 106,6 դրամ (մոտ 80 դոլար)` չորրորդ եռամսյակում նվազելով 1%-ով:

Նվազագույն սպառողական զամբյուղը ներառում է սնդդամթերքի հետևյալ նորմերը մեկ օրվա կտրվածքով` հացամթերք (ամսական 3345,4 դրամ), մսամթերք (7906,2 դրամ), կաթնամթերք (6068,6 դրամ), բուսական յուղ (516,3 դրամ), մարգարին (330 դրամ), կարտոֆիլ (1609,2 դրամ), միրգ (3088,5 դրամ), շաքար (723,5 դրամ), ձու (909,4 դրամ), ձուկ (1977,7 դրամ) և այլն: