Միասնական տնտեսական գոտուն (ՄՏԳ) Հայաստանի անդամակցության հարցը կքննարկվի Ռուսաստանի, Բելառուսի եւ Ուկրաինայի Առեւտրի համաշխարհային կազմակերպության անդամակցելուց հետո: Այդ մասին լրագրողներին է հայտարարել Հայաստանի առեւտրի եւ տնտեսական զարգացման նախարար Կարեն Ճշմարիտյանը` մեկնաբանելով առեւտրա-տնտեսական համագործակցության հայ-բելառուսական միջկառվարական հանձնաժողովի Երեւանում ավարտված նիստի արդյունքները: Նախարարը նշել է, որ Հայաստանի անդամակցությունը ՄՏԳ-ն կնպաստի հայ-բելառուսական կապերի զարգացմանը եւ էապես կհեշտացնի հայ գործարարների մուտքը ՄՏԳ անդամ-երկրների շուկա: Հիշեցնենք, որ Բելառուսի, Ղազախստանի, Ռուսաստանի եւ Ուկրաինայի նախագահները 2003 թվականի սեպտեմբերին Յալթայում կայացած ԱՊՀ պետությունների ղեկավարների գագաթնաժողովում համաձայնագիր են ստորագրել Միասնական տնտեսական գոտի ձեւավորելու մասին: