Հնդկական Կարնատակա նահանգի երեք նախարար հրաժարական են տվել այն մեղադրանքներից հետո, որ պետական նիստի ժամանակ դիտել են պոռնոգրաֆիկ բովանդակության տեսագրություն: Սկանդալը ծագել է այն բանից հետո, երբ տեղի հեռուստաալիքները ցուցադրել են տեսագրություն, որտեղ երևում է, թե ինչպես նախարարներից մեկը բջջային հեռախոսով դիտում է պոռնոհոլովակ, որից հետո ցուցադրում է իր գործընկերոջը:

Երեք նախարարներն էլ մտնում են աջակողմյան Բխարտիա Ջանատայի (Հնդկական ժողովրդական կուսակցության) մեջ, որն արդեն դատապարտել է նախարարների վարքագիծը: