Երիտասարդ կատարողների «Նոր ալիք» միջազգային մրցույթն այլևս տեղի չի ունենա Յուրմալայում: Այդ մասին այսօր տեղի «Չաս» թերչթում հաղորդել է փառատոնի ժյուրիի համանախագահ Իգոր Կրուտոյը, հաղորդում է ԻՏԱՐ-ՏԱՍՍ-ը:
«Մեր համագործակցությունը Յուրմալայի քաղաքային դումայի ղեկավարության հետ հանգել է կրիտիկական կետի: Ուստի առաջիկայում մեր կողմից քննարկվելու են աշխարհի այլ քաղաքներ, այդ թվում Լատվիայի մայրաքաղաք Ռիգան՝ որպես մրցույթի անցկացման թեկնածուներ»,- ասել է նա:
Նախօրեին ժյուրիի երկրորդ համանախագահ Ռայմոնդ Պաուլսը նույնպես հայտարարել է, որ փառատոնն այլևս տեղի չի ունենալու Յուրմալայում:
Տարբեր տարիներին Հայաստանը ներկայացրել են երգիչներ Էմմին, Ռազմիկ Ամյանը, Մհերը և այլոք: 2010թ-ին մրցույթի հաղթող դարձավ Հայաստանը ներկայացնող Սոնա Շահգելդյանը: 2011թ-ին մրցույթում Հայաստանը ներկայացրեց Էրիկը և արժանացավ «Հանդիսատեսի համակրանք» մրցանակին:
