Արցախի Հանրապետության նախագահ Բակո Սահակյանը փետրվարի 8-ին անց է կացրել աշխատանքային խորհրդակցություն` հանրապետության շրջվարչակազմերի ղեկավարների մասնակցությամբ:
Նախագահի աշխատակազմի տեղեկատվության գլխավոր վարչությունից հայտնում են, որ շրջվարչակազմերի ղեկավարները Նախագահին զեկուցել են շրջաններում տիրող իրավիճակի և 2012 թվականին նախատեսված աշխատանքների մասին:
Երկրի ղեկավարը համապատասխան հանձնարարականներ է տվել` հատուկ ընդգծելով շրջվարչակազմերի և տարբեր պետական կառույցների միջև համակարգված համագործակցության, ինչպես նաև ծագող խնդիրների լուծմանը օպերատիվ արձագանքման անհրաժեշտությունը: