Հայակական ազգային կինոակադեմիան հերքել է հայտնի ամերիկացի կինոռեժիսոր Սթիվեն Սպիլբերգի հետ Հայոց ցեղասպանության 100-ամյակին նվիրված ֆիլմի նկարահանման բանկցությունների մասին տարածված լուրերը:

«Կինոակադեմիայի ղեկավար Գևորգ Գևորգյանը այդ մասին խոսել է 2010-ին, սակայն վերջերս մենք օնլայն-պորտալներից մեկում նման ինֆորմացիայի հանդիպեցինք»,- PanARMENIAN.Net-ին հայտնել են կինոակադեմիայում:

Ինչպես ընդգծել է մամուլի քարտուղար Ռուզաննա Բագրատունյանը, ցեղասպանության 100-ամյակին նվիրված ֆիլմի գաղափարը կա և ուժի մեջ է մնում: «Դա աշխատանքների մեծ ծավալ է ենթադրում և մենք փորձում ենք տեղավորվել ժամկետներում, քանի որ բոլորս ենք հասկանում այդ տարելիցը ինչ նշանակություն ունի հայ ազգի համար»,-ընդգծել է նա: