ԱՊՀ երկրների ԱԳՆ ղեկավարների խորհրդի հերթական նիստը Դուշանբեյում այսօր սկսվել է հանդիպումով փակ ռեժիմում: Ինչպես տեղեկացնում է ՌԻԱ «Նովոստի» գործակալությունը` վկայակոչելով ռուսաստանյան պատվիրակության աղբյուրը, «պատվիրակության ղեկավարները առանձնազրույց են ունեցել Իրաքում իրավիճակի վերաբերյալ»: Հիշեցնենք, որ նիստին մասնակցում է նաեւ Հայաստանի ԱԳՆ ղեկավար Վարդան Օսկանյանը: Այնուհետեւ հանդիպման մասնակիցները քննարկել են նիստի օրակարգի հարցերը, որոնք 18-ն են: Կարեւոր խնդիրներից մեկը, որը դեռ պետք է քննարկվի նախարարների կողմից` դա ԱՊՀ մասնակից-երկրների ծրագրերն են միջազգային ահաբեկչության եւ այլ ծայրահեղականության դրսեւորումների դեմ պայքարի վերաբերյալ: Նրանք նախատեսել են նաեւ որոշում ընդունել Կոլեկտիվ ուժերի հրամանատարի նշանակման մասին` Աբխազիայում խաղաղության պահպանման հարցում, ինչպես նաեւ վրաց-աբխազական հակամարտության կարգավորման վերաբերյալԱՊՀ Օպերատիվ աշխատանքային խմբի ղեկավարի նշանակման մասին: