Ռուսաստանի կառավարությունը հավանություն է տվել Հրազդանի ՋԷԿ-ի ունեցվածքային համալիրը Հայաստանի պետական պարտքի մարման դիմաց Ռուսաստանի սեփականությանը հանձնելու ժամկետների հետաձգմանը: Ինչպես տեղեկացնում է ռուսաստանյան «Նովոստի» լրատվական գործակալությունը, համապատասխան որոշումը ստորագրվել է հունվարի 23-ին ՌԴ վարչապետ Միխայիլ Կասյանովի կողմից: Աղբյուրի համաձայն` կայանի հանձնաման նախնական ժամկետը նախատեսված էր «2003 թվականի սեպտեմբերի 5-ից ոչ ուշ»: Բացի ՋԷԿ-ի փոխանցման ժամկետի հետաձգումից, որոշման մեջ առաջարկվում է փոփոխել նաեւ ռուսաստանյան կողմին փոխանցվող ունեցվածքի ցուցակը: Հիշեցնենք, որ Հայաստանը պետական պարտքի մարման դիմաց Ռուսաստանին է հանձնելու ընդհանուր առմամբ 93,76 մլն դոլար գումար կազմող պետունեցվածք: Փոխանցվող օբյեկտների թվում է են` Հրազդանի ՋԷԿ-ը, «Մարս» ՓԲԸ, Երեւանի ավտոմատ կառավարման համակարգերի եւ Մաթեմատիկական մեքենաների գիտահետազոտական ինստիտուտները, Նյութաբանության գիտահետազոտական ինստիտուտը: