Հայաստանի մշակույթի օրերի շրջանակներում Սիրիայում տեղի են ունենում հայկական արվեստի վարպետների ելույթներ: Երաժշտական եւ պարային կոլեկտիվները ու մենակատարները հայկական մշակույթը ներկայացնում են Դամասկոս, Հալեպ, Ղամիշլի եւ Լաթաքիա քաղաքներում: Բացի այդ, Սիրիայի մայրաքաղաքում կազմակերպվել են Մարտիրոս Սարյանի եւ Սերգեյ Փարաջանովի ստեղծագործությունների ցուցահանդեսներ: Մշակույթի օրերի կապակցությամբ Սիրիայում է գտնվում Հայաստանի պատվիրակությունը` մշակույթի նախարար Թամարա Պողոսյանի գլխավորությամբ: Պատվիրակության անդամների հետ արդեն հանդիպումներ են ունեցել Սիրիայի վարչապետ Նաջի Ուտրին եւ մշակույթի նախարար Մահմուդ աս-Սայյեդը, որը հայկական կողմի հետ ստորագրել է 2004-2006թթ. մշակութային համագործակցության մասին ծրագիր: Սիրիայում Հայաստանի մշակույթի օրերն ավարտվում են փետրվարի մեկին: