«Խնդիրը նրանում է, որ մենք շատ աշխատանք ունենք այն առումով, որ 1990-ից մինչ օրս մենք պատշաճ ուշադրություն չենք հատկացրել Սումգայիթում հայերի կոտորածների զոհերին: Ինչպես Հայաստանում, այնպես էլ նրա սահմաններից դուրս»,- Երևանում մամլո ասուլիսում հայտարարել է ընդդիմադիր «Ժառանգություն» կուսակցության պատգամավոր Լարիսա Ալավերդյանը:
Նա նաև նշել է, որ ՀՀ Ազգային ժողովում արդեն երեք տարի գտնվում է Սումգայիթի զոհերի մասին օրինագիծը, որը նա է մշակել և որը կոչ է անում ՀՀ ԱԺ պատգամավորներին Սումգայիթում տեղի ունեցածը ճանաչել ցեղասպանություն, բայց մինչև հիմա այդ օրինագիծն արձագանք չի ստացել:
«Բավական է լռել, եկել է աշխարհին Սումգայիթի իրական փաստերի մասին պատմելու ժամանակը: Այդ հարցն իրավաբանական ասպեկտ ունի, ինչո՞ւ Հայաստանը հայցեր չի ներկայացնում միջազգային դատարաններ»,- հայտարարել է «Պարզ ցեղասպանություն» ֆիմի հեղինակ Մարինա Գրիգորյանը:
