Երեկ երեկոյան հեռախոսազրույց է տեղի ունեցել Լեռնային Ղարաբաղի նախագահ Արկադի Ղուկասյանի եւ Հարավային Կովկասում Եվրամիության հատուկ ներկայացուցիչ Հեյկի Թալվիթիեի միջեւ, վերջինիս նախաձեռնությամբ: ԼՂՀ նախագահի մամլո ծառայության հաղորդագրության համաձայն, զրույցի ընթացքում կայացել է կարծիքների փոխանակում ղարաբաղյան հակամարտության կարգավորման հեռանկարների եւ խաղաղարար գործընթացին ղարաբաղյան կողմի մասնակցության վերաբերյալ: Հ.Թալվիթիեն ափսոսանք է հայտնել, որ ներկայիս այցելության հագեցած գրաֆիկի պատճառով չի կարողացել այցելել Ստեփանակերտ: Ընդ որում նա պատրաստակամություն է հայտնել առաջին իսկ հնարավորության դեպքում այցելել Լեռնային Ղարաբաղ եւ հանդիպել նրա ղեկավարության հետ: