Փարիզի Նորաձևության շաբաթն իր գագաթնակետին է հասնում: Իրենց հավաքածուներն արդեն ցուցադրել են առաջին մեծության դիզայներները:

Նրանց թվում է նաև Balenciaga նորաձևության տունը: Ինչպես և Mugler-ի վերջին հավաքածուն, այն ասոցիացիաներ է առաջացնում տիեզերքի ու հեռավոր ապագայի հետ:

Կրեատիվ տնօրեն Նիկոլյա Գեսկյերը ընտրել է երկրաչափական ձևևածքը, ֆուտուրիստական ձևերը և մետաղի փայլը: Հավաքածուների գունային գամման բազմազան է՝ ավանդական սևի, մարմնագույնի ու թաց ասֆալտի գույների հետ մեկտեղ դիզայներն օգտագործել է վառ, հագեցած գույներ՝ էլեկտրիկ կապույտը, բաց կանաչը, ալ կարմիրը և ֆուկսիայի գույնը: Balenciaga-ի նոր հավաքածուն մեկտեղել է անհամատեղելին՝ փայլուն կաշին թեթև շիֆոնի հետ, իսկ կոմիքսներից պրինտերով տոպերը կաթնագույն խիստ կիսաշրջազգեստների հետ:

Հագուստի յուրաքանչյուր կոմպլեկտն ունի նաև ձեռնոցներ, կաշվից կամ զամշից, հայտնում է «Ռոսբալտը»:--ԿԱ_