Android բջջային օպերացիոն համակարգիբրաուզերը առաջ է անցել բջջային բրաուզերների շուկայում առաջատար հանդիսացող Opera mini-ից։ Այս մասին հաղորդում է վերլուծական ընկերություն StatCounter։

Ինչպես գրում է Mashable տեխնոբլոգը, StatCounter-ի փետրվար ամսվա ցուցանիշները ցույց են տալիս, որ Opera mini-ին հայտնվել է 2-րդ հորիզոնականում(21.7%-ով)։ Դե իսկ Android-ը շուկայում զբաղեցնում է 22.67%։Իսկ 3-րդ հորիզոնականում է iPhone-ի Safari բրաուզերը։

Opera mini բրաուզերը նախագծվել և մշակվում է Opera Software ընկերության կողմից։ Վերջերս ընկերությունը թողարկեց իր բրաուզերի նոր թարմացումը, որը հնարավոր է օգնի վերականգնել նախկին առաջատարի դիրքերը բջջային բրաուզերների շուկայում։ Opera mini-ի առավելությունն այն է, որ այն համատեղելի է թե՛ սովորական բջջայինների հետ, թե՛ սմարթֆոնների։

Հաշվի առնելով, որ աշխարհում ամեն օր ակտիվանում է 850 000 Android սարքավորում և որ ողջ աշխարհում կա ավելի քան 300 միլիոն Android-ով աշխատող սարք, ապա բրաուզերի նման աճը չի զարմացնում։