Visa ընկերությունը մեծ միջոցներ է հատկացնում ողջ ցանցի աշխատանքի անվտանգությունն ապահովելու համար և կատարում բազմաթիվ տեխնիական մոդիֆիկացիաներ, որպեսզի նվազագույնի հասնի ոչ օրինական քարտերի օգտագործումը: Այդ մասին ապրիլի 3-ին Երևանում լրագրողների հետ զրույցում հայտարարել է ԱՊՀ երկրներում (Հայաստան, Վրաստան, Մոլդովա) Visa-ի բիզնեսի զարգացման մենեջեր Իրինա Կամխաձեն:

«Խարդախությունն այսօր գտնվում է իր պատմական նվազագույն մակարդակի վրա. վերջին 20 տարում այն չի գերազանցել 100 դոլարի համար 0,6 տոկոս հարաբերակցությունը»,- ասել է նա:

Global Payments պրոցեսինգային ընկերությունը մեղավոր է Visa և MasterCard բանկային քարտերի տվյալների արտահոսքի մեջ, որի մասին հայտնի է դարձել մարտի 30-ին: Այդ մասին հաղորդում է The Wall Street Journal-ը: Global Payments-ը խոստովանել է, որ արտահոսքը դարձել է նրա բազան կոտրելու հետևանք: Ինչպես պնդում է ընկերությունը, անհայտ հաքերները «արտահանել» են շուրջ մեկուկես միլիոն քարտերի մասին տեղեկություններ: Բոլոր քարտերը թողարկված են Հյուսիսային Ամերիկայում: Չարագործներն իմացել են միայն դրանց համարները: Քարտապանների անուն-ազգանուններով, հասցեներով և սոցիալական ապահովագրության համարներով բազայի մի մասը չի գողացվել, նշում է Global Payments-ը:

Visa-ն խզել է հարաբերությունները Global Payments-ի հետ՝ բացառելով օպերատորին իր գործընկերների ցուցակից: MasterCard-ը կատարում է իրավիճակի սեփական հետաքննություն: