ՄՕԿ-ը կարող է թույլ չտալ Սաուդյան Արաբիայի հավաքականին մասնակցել Լոնդոնի Օլիմպիական խաղերին: Նախօրեին երկրի կառավարությունը հրաժարվել է թույլ տալ կանանց մասնակցել ամռանը կայանալիք սպորտային իրադարձությանը:
«Բանակցություններն առայժմ շարունակվում են, և մենք աշխատում ենք, որպեսզի կանանց,այնուամենայնիվ, թույլ տան մասնակցել խաղերին: Չի բացառվում, որ նրանք հանդես գան ոչ պաշտոնական պատվիրակությունում»,-ասվում է ՄՕԿ-ի հաղորդագրությունում:
«Հուսով ենք, որ ՄՕԿ-ը լիովին կբացառի Սաուդյան Արաբիայի հավաքականի մասնակցությունը Օլիմպիադայի մասնակիցների ցուցակից: Թույլ չտալ կանանց մասնակցել Օլիմպիական խաղերին` ՄՕԿ-ի հիմնական սկզբունքների խախտում է և մարդկային խտրականությունը` հիմնված ռասայական, կրոնական, քաղաքական, սեռական պատկանելության վրա, անհամատեղելի է Օլիմպիական շարժման հետ»,- սպորտի և ֆիտնեսի հիմնադրամի հայտարարությունն է մեջբերում BBC-ին:
