Էյնդհովեն քաղաքում տեղի է ունեցել Հայոց ցեղասպանության 97-րդ տարելիցին նվիրված հիշատակի միջոցառում
Ապրիլի 25-ին Նիդերլանդների Էյնդհովեն քաղաքում տեղի է ունեցել Հայոց ցեղասպանության 97-րդ տարելիցին նվիրված հիշատակի միջոցառում, որը կազմակերպվել էր «Ալֆա-Երևան» հաստատության կողմից:
Հիշատակի միջոցառմանը ցուցադրվել է Տիգրան Խզմալյանի՝ Արմին Վեգներին նվիրված «Ցեղասպանության լուսանկարիչ» ֆիլմը:
Տիգրան Մայտեսյանի (ջութակ), Լյուբա Զաչուպեյկո-Հարությունյանի (դաշնամուր), Ռուստամ Հակոբջանյանի (դուդուկ)և Արկադի Պետրոսյանի (թառ) կատարմամբ հնչել են ստեղծագործություններ` նվիրված Մեծ եղեռնի զոհերի հիշատակին:
Նիդերլանդներում ՀՀ դեսպան Ձյունիկ Աղաջանյանը նշել է. «Այն ազգը, որ պաշտում է արարումը, սրբացնում իր այբուբենն ու գիրքը, որ իր զավակներին մեծացնում է աշխատանքի ու կրթության գաղափարներով, չի կարող մահանալ սրից»:
