Ադրբեջանական կայքերի տարածած տեղեկությունը չի համապատասխանում իրականությանը: Ոչ մի նման բան տեղի չի ունեցել»,-այսպես է ՀՀ ՊՆ մամլո ծառայության ղեկավար Մուշեղ Աղեկյանը մեկնաբանել PanARMENIAN.Net-ի թղթակցի հետ զրույցում ադրբեջանական Defence.az գործակալության տարածած այն հաղորդագրությունը, թե իբր Ադրբեջանի զինված ուժերը «վերականգնել են հսկողությունը Ղազախի շրջանի երեք գյուղերի հանդեպ»:
Ինչպես հայտնել է ադրբեջանական գործակալությունը, «ըստ ռազմական աղբյուրներից ստացված տեղեկությունների, Ղազախի շրջանում մարտերի արդյունքում ադրբեջանական բանակին հաջողվել է ամբողջական վերահսկողություն հաստատել այդ շրջանի երեք գյուղերի հանդեպ: Դրանք են Ասկիպարի Յուխարի, Գուշչու Այրում և Ջաֆարլի գյուղերը: Գյուղ է մտցվել ծանր տեխնիկա: Թեև այդ գյուղերը գտնվում են չեզոք գոտում, սակայն վերահսկվում էին ՀՀ ԶՈւ կողմից»:
Ըստ գործակալության հաղորդագրության, մարտերի ընթացքում ադրբեջանական կողմը վեց զինվոր է կորցրել:
