Նախօրեին ԵԱՀԿ առաքելությունը Ադրբեջանի կողմից օկուպացված Լեռնային Ղարաբաղի Հանրապետության Վերին Չայլու բնակավայրում անցկացրել է Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում: ԼՂՀ պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնականներ Միրոսլավ Վիմետալը /Չեխիա/ եւ Օլեքսանդր Սամարսկին /Ուկրաինա/: Ադրբեջանական կողմից դիտարկման խումբը ղեկավարել է ԵԱՀԿ գործող նախագահի անձնական ներկայացուցիչ Անջեյ Կասպշիկը: Դիտարկման ժամանակ ԵԱՀԿ առաքելությանն ուղեկցող ԼՂՀ Պաշտպանության նախարարության եւ Արտաքին գործերի նախարարության ներկայացուցիչները ադրբեջանական կողմից արձանագրել են կրակոցներ, որոնք հնչել են Վերին Չայլուի հյուսիսային կողմից: Դիտարկումը շարունակվել է կողմերից լրացուցիչ անվտանգության երաշխիքներ ստացվելուց հետո եւ անցել է նախատեսված ժամանակացույցին համապատասխան: