Սիրիայի ռազմական հրամանատարությունն այսօր հրաման է տվել զորքերին դադարեցնել կրակը մահմեդական Իդ ալ-Ադհա տոնի ընթացքում: Ռազմական գործողությունները կդադարեցվեն հոկտեմբերի 26-29-ը, հաղորդում է ԻՏԱՐ-ՏԱՍՍ-ը: Հրամանատարության հայտարարությունում ընդգծվում է, որ բանակը պատասխանելու է հրադադարի ցանկացած խախտման, եթե զինված խմբավորումները սպառնան «քաղաքացիական բնակչության անվտանգությանը»:

Հրադադարի նախաձեռնողն է Սիրիայի հարցերով ՄԱԿ-ի և ԱՊԼ-ի հատուկ բանագնաց Լահդար Բրահիմին: Նրա առաջարկը միաձայն ողջունվել է ՄԱԿ-ի ԱԽ-ի կողմից: 19 ամիս տևող հակամարտությունից ի վեր` սա հրադադար կնքելու արդեն երրորդ փորձն է: