ՕԽ-2012 ընդունելու համար պայքարում Փարիզը պարտվեց Լոնդոնին Ժակ Շիրակի բրիտանական խոհանոցի մասին կատակի պատճառով, պարզել են ֆրանսիացի լրագրողները: Ֆրանսիայում լույս է տեսել մի գիրք, որը լույս է սփռում նրա վրա, թե ինչու 2012թ. Օլիմպիական խաղերն ընդունելու իրավունքը ստացավ հենց Լոնդոնը, ոչ թե Փարիզը, որը նույնպես ֆավորիտ էր համարվում:
Մասնավորապես, այն ժամանակվա Ֆրանսիայի նախագահը ՌԴ նախագահ Վլադիմիր Պուտինի հետ և Գերմանիայի կանցլեր Գերհարդ Շրյոդերի հետ զրույցում ասել էր, թե Ֆինլանդիայից հետո Մեծ Բրիտանիան վատագույն կերակուրով երկիրն է:
Նա հավելել է նաև, որ այդպիսի անպետք խոհարարներին չի կարելի որևէ լուրջ բան վստահել: Ակամայից այդ խոսակցությունները լսել է նաև Մեծ Բրիտանիայի այն ժամանակվա վարչապետ Թոնի Բլերը:
Նման խիստ քննադատությունը նրան վիրավորել է: Չերի Բլերը դիտողություն է արել Շիրակին: Ֆրանսիայի նախագահը, հասկանալով իր վրիպումը, արագ հեռացել է միջոցառումից, հայտնում է France24 հեռուստաալիքը:
Այդպիսով Բրիտանիայի վարչապետը «Շիրակից նվեր ստացավ» լրացուցիչ ժամանակ, լոբբինգի ենթարկելու համար Լոնդոնի թեկնածությունը:
