Հեքըթոն[ՅԱՆ] 2012-ի կազմակերպիչները PanARMENIAN.Net-ին տեղեկացնում են, որ մրցույթի շուրջ առաջացած մեծ հետաքրքրությունը հաշվի առնելով` դիմումների ընդունման վերջնաժամկետը հետաձգվում է մինչև դեկտեմբերի 14-ը:
Ընդամենը 24 ժամում թիմերը` կազմված ծրագրավորողներից և ոչ միայն, կմշակեն և ժյուրիին կներկայացնեն իրենց գաղափարը և առաջարկվող լուծման (ծրագրի) հավելվածի նախատիպը (դեմո տարբերակը):
Հեքըթոն[ՅԱՆ] 2012-ը կազմակերպել է Հայաստանի Մայքրոսոֆթ ինովացիոն կենտրոնը, Մայքրոսոֆտ Էռ Էյ-ը, Ձեռնարկությունների ինկուբատոր հիմնադրամը, mLab ECA մոբայլ լուծումների տարածաշրջանային լաբորատորիան և Հանրային լրագրութան ակումբը:
Այն «Նորարարություն տեխնոլոգիայի միջոցով» ծրագրի մի մասն է, որը մասնավոր և պետական կառույցների համագործակցության օրինակ է Հայաստանի Մայքրոսոֆթ ինովացիոն կենտրոնի, Մայքրոսոֆթ Էռ Էյ-ի, ԱՄՆ-ի միջազգային զարգացման գործակալության հայաստանյան առաքելության, ՀՀ կառավարության, Ձեռնարկությունների ինկուբատոր հիմնադրամի և Հայաստանի պետական ճարտարագիտական համալսարանի միջև:
