Հունվաի 30-ին նշվում է ռեժիսոր Լեոնիդ Գայդայի 90-ամյակը

Հունվաի 30-ին նշվում է ռեժիսոր Լեոնիդ Գայդայի 90-ամյակը

PanARMENIAN.Net - Կինոռեժիսոր, սցենարիստ, դերասան, ԽՍՀՄ ժողովրդական արտիստ Լեոնիդ Գայդայը ծնվել է 1923թ. Սվոբոդնի քաղաքում: Առաջին ֆիլմը նկարահանել է 1956թ.՝ «Երկար ուղին» Կորոլենկոյի պատմվածքների հիման վրա: Նրա մի շարք ֆիլմեր դարձել են կատակերգության ժանրի յուրովի դասական ստեղծագործություններ: Առաջին ֆիլմը, որը նրան մեծ ճանաչում բերեց, 1961-ին նկարահանած «Բարբոս շունն ու անսովոր մրցավազքը» կինոալմանախն էր: Դրան հաջորդեցին «Գործարար մարդիկ» կինոալմանախը` ըստ ամերիկացի մեծ դասական Օ' Հենրիի պատմվածքների, այնուհետև «Օպերացիա «Ի» կամ Շուրիկի արկածները», «Կովկասի գերուհին», «Ադամանդե ձեռքը», «Իվան Վասիլեւիչը փոխում է մասնագիտությունը», «Չի կարող պատահել», «Լուցկու ետևից», «Սպորտլոտո 82» և այլ կինոնկարներ:

Գայդայի «Ադամանդե ձեռքը» դետեկտիվ կատակերգությունը ճանաչվել է 100-ամյակի լավագույն կատակերգությունն ըստ հանդիսատեսի հարցումների:

Գայդայի վերջին աշխատանքն է «Դերիբասովսկայա փողոցում միշտ լավ եղանակ է, իսկ Բրայթոն Բիչում նորից անձրև է գալիս» ֆիլմը (1992թ.):

Ամուսնացած էր դերասանուհի Նինա Գրեբեշկովայի հետ:

Մահացել է 1993թ. նոյեմբերի 19-ին Մոսկվայում:

 Ուշագրավ
Բացահայտման մասին հայտնել է Ամստերդամում Վան Գոգի թանգարանը։
Հայաստանում հյուրընկալվելիս, Պենդերեցկին ասել էր, որ հայկական արմատներ ունի
Կինոփառատոնը պետք է կայանար մայիսի 12-23-ը
Թումանյանի ծննդյան օրը՝ փետրվարի 19-ին, Հայաստնում նշվում է գիրք նվիրելու օրը