ՌԴ-ն ու Ղազախստանն առաջարկում են Երևանից Մոսկվա տեղափոխել ԵՏՄ վեհաժողովը
ՌԴ վարչապետ Դմիտրի Մեդվեդևի այցը Հայաստան տեղի կունենա նախկինում հայտարարված ժամանակին՝ ապրիլի 7-ին, հաջորդ օրը նա կմեկնի Ադրբեջան:
Այդ մասին է հայտարարել ՏԱՍՍ գործակալությանը Մեդվեդևի խոսնակ Նատալյա Տիմակովան, մեկնաբանելով ՌԴ վարչապետի երևանյան այցի կասեցման մասին լուերը:
Միաժամանակ նա, սակայն, հայտարարել է, որ Դմիտրի Մեդվեդևը «տեղյակ կպահի իր կոլեգային (ՀՀ վարչապետին – խմբ.), որ Ռուսաստանը, հաշվի առնելով ստեղծված իրավիճակը, պատրաստ է համաձայնվել Ղազախստանի առաջարկին՝ Երևանից Մոսկվա տեղափոխել ԵՏՄ վեհաժողովը», - ասել է Տիմակովան:
ԵՏՄ վեհաժողովը պիտի կայանար Երևանում ապրիլի 8-ին: Մեդվեդևը, սակայն, փաստացի լինելու է Բաքվում:
