Դորթմունդի «Բորուսիան» մերժել է անգլիական «Մանչեսթեր Յունայթեդի» առաջարկը Հայաստանի հավաքականի կիսապաշտպան Հենրիխ Մխիթարյանին վաճառելու վերաբերյալ:

Ինչպես հայտնում է Mirror-ը, ակումբը հայ ֆուտբոլիստի համար 19 մլն բրիտանական ֆունթ կամ մոտ 27 մլն դոլար էր առաջարկում:

Ավելի վաղ «Բորուսիան» հայտարարել էր, որ Մխիթարյանը մնալու է ակումբում մինչև 2017 թվականը, ինչից հետո նրա պայմանագիրը չի երկարաձգվի:

Մխիթարյանի գործակալ Մինո Ռայոլան հայտարարել էր, որ «Բորուսիայի» ղեկավարությունը խոստացել էր ֆուտբոլիստին, որ նա կկարողանա հեռանալ ակումբից 2016-ի ամռանը: «Սակայն, նրանք, կարծես, վախեցան երկրպագուներից և հանկարծ սկսեցին ասել, թե Մխիթարյանը պետք է ակումբում մնա մինչև պայմանագրի ավարտը: Դա շատ վատ որոշում է... Մխիթարյանը ցանկանում է «Մանչեսթեր Յունայթեդ» տեղափոխվել` սա նրա համար եզակի շանս է»,-ասել է Ռայոլան:

«Բորուսիայի» հետ Մխիթարյանի պայմանագիրը սպառվում է 2017-ին: Մխիթարյանն արդեն մի քանի ամիս է մերժում է պայմանագիրը երկարացնելու «Բորուսիայի» առաջարկը: