Հայ-ռուսական զորքերի միացյալ խմբավորման կազմում կընդգրկվեն ՀՀ ԶՈՒ 4-րդ կորպուսն ու ՌԴ 102-րդ ռազմաբազան
ՀՀ զինված ուժերի 4-րդ կորպուսն ու Հայաստանում տեղակայված ռուսական 102-րդ ռազմաբազան պլանավորվում է ընդգրկել հայ-ռուսական զորքերի միացյալ խմբավորման կազմում:
Այդ մասին հայտնում է ՌԴ կառավարության «Ռոսիյսկայա գազետա» պաշտոնաթերթը:
Պարբերականը նշում է, որ այլ մանրամասներ հայտնի չեն:
4-րդ բանակային կորպուսը տեղակայված է Վայոց Ձորի մարզում ու, մասնավորապես, հսկում է Նախիջևանի հետ սահմանը:
Զորքերի միացյալ խմբավորման հրամանատարն է գեներալ-մայոր Անդրանիկ Մակարյանը:
